5 lítil skref til að koma reglu á matarvenjur

Breytingin að koma á meiri stöðugleika á matarvenjum byrjar með litlum skrefum.

17.5.2025

Byrjaðu daginn á því að borða eitthvað innan 1–2 klst. frá því þú vaknar.
Þetta virkar eins og „kveikja“ á efnaskiptum og hjálpar til við blóðsykur og orku yfir daginn, jafnvel þó það sé bara smá morgunmatur.
Hugmyndir: Grísk jógúrt með berjum, egg og heilkornabrauð eða hafragrautur. Veldu eitthvað sem þú getur borðað án mikils undirbúnings.

Taktu eftir þegar þú ferð að gleyma þér í vinnu eða annríki og prófaðu að setja áminningu í símann.
Að borða reglulega snýst ekki bara um hungur, heldur líka að fylla á áður en þú verður þreytt(ur) og of svöng/svangur. Þú getur prófað að borða á ~3–4 tíma fresti, jafnvel smávegis, til að halda orkunni stöðugri.

Hugsaðu um máltíðir sem tækifæri til að næra þig, ekki verkefni sem þú þarft að „standa þig“ í.
Slakaðu á væntingum. Það er allt í lagi ef það er einfalt, frosið, smurt, afgangar,hvað sem nærir þig í augnablikinu. Reglusemi byrjar með því að borða yfirhöfuð, ekki með því að gera það fullkomlega.

Prófaðu að spyrja þig tvisvar á dag: „Er ég svöng/svangur eða er ég að fresta því að borða?“
Með því að hlusta geturðu lært að „grípa þig“ áður en orkuskortur eða þreyta taka yfir. Þetta er lítið skref sem býr til líkamsvitund smám saman.

Bættu við millimálum ef þú finnur fyrir miklu bili milli máltíða og slepptu því að „reyna að halda út“.
Margir borða of lítið snemma dags og verða of svangir seinna, sem leiðir til sveiflna og ofáts.
Millimál gætu verið: hrökkbrauð og ostur, ávöxtur og hnetur, jógúrt, egg eða smá skál af afgöngum.

Þú þarft ekki fullkomið plan. Þú þarft bara eitt skref sem hjálpar þér að hlusta betur, mæta sjálfri/sjálfum þér með virðingu og næra þig út frá raunverulegum þörfum.
Hvaða skref langar þig að prófa fyrst?

Fleiri daglegar venjur og praktísk ráð

Hvernig á að minnka síðdegislöngun?

Af hverju við gefumst alltaf upp á nýársheitunum

Hvernig á að tækla félagslegar aðstæður

Hlustaðu á líkama þinn

Af hverju er svona erfitt að breyta venjum?

Lífshættirnir 8

Meira um heilsu