30.09.2012 - Hrund Valgeirsdóttir

Það getur verið erfitt fyrir fólk að breyta lífstílnum til hins betra, sérstaklega fólk sem hefur lifað mikið á óhollum mat svo árum skiptir. Markmiðssetning og að skipuleggja sig getur hjálpað til og er góð leið til að byrja þangað til breytingarnar komast upp í vana. Markmiðin ættu að vera raunhæf en samt nógu spennandi svo að þú hafir drifkraftinn til að halda áfram. Besta leiðin til að breyta lífsháttum til hins betra svo að það haldist til frambúðar, er að taka lítil skref í einu og gera jafnvel smábreytingar í hverri viku. Þessi litlu skref geta til dæmis verið að

• bæta við hreyfingu eða hreyfa sig meira
• sofa að minnsta kosti 8 klst hverja nóttu
• borða minni skammtastærðir
• minnka viðbættan sykur í mataræðinu
• borða meira af ávöxtum og grænmeti
• minnka notkun salts
• velja heilkornavörur í stað þeirra sem eru meira unnar
• drekka vatn í stað gosdrykkja
• velja fisk og fuglakjöt í stað rauðs kjöts og unninna kjötvara
• velja mjólkurvörur sem innihalda litla fitu og engan eða lítinn sykur
• steikja matinn upp úr olíu frekar en smjöri
• minnka neyslu áfengis
• hætta að reykja